Laughter comes in threes dahil sanib-pwersa muli sina Vice Ganda, MC at Lassy sa paboritong "It's Showtime" segment na Miss Q and A.
Times three rin ang wit at good vibes na dala nina candidates Trudis Manahan, Yesha Romilla Paderog, at Nicole Ayala Gokongwei, who made the FUNanghalian extra interesting dahil sa mga talent nila na 'it's giving.'
Pero iba talaga ang asaran ng magkakaibigan. Sina Meme Vice at Lassy, napagkatuwaan ang pagiging 'lutang' ni MC. At dahil walang gustong magpatalo sa mataas na energy at punchline na makukulit, ayun, pare-pareho silang pagod. Awit!
Pati si guest host Bianca Umali ay damay sa puksaan. Hirit ni Meme, nakakapikon ang ganda ni Bianca, na keri lumabas on national TV without makeup. Ansabe!
At maya-maya pa, sumabak na sina Trudis at Nicole sa Wit Lang round, kung saan na-exercise ang kanilang creativity sa pagsagot sa magkaibang katanungan. "Payag ka may nagagakagusto daw sa'yo pero ang nagsabi sa'yo ay albularyo?" ang tanong na nabunot ni Trudis. Na-confuse man siya sa tanong, naitawid pa rin niya ang talak kaya deserve pa rin ng palakpak.
Ngunit mas malakas na palakpakan ang natanggap ni Nicole for her kabogera answer sa tanong na, "Payag ka hatid-sundo ka ng jowa mo pero giraffe ang gamit niya?" Tugon ni Nicole, kahit giraffe o ano pa man 'yan, ang paghahatid-sundo ay pagpapakita ng pagmamahal, at tatanggapin niya ang love na ito.
Dahil sa LOVE-an na LOVE-an niyang kasagutan, with lots of love na tinanggap ni Nicole ang korona as today's Miss Q and A Reyna Talak-Era.
Good vibes at pag-asa ang hatid ng “It’s Showtime,” Lunes hanggang Sabado, 12 NN, sa ABS-CBN sa ALLTV2, GMA 7, A2Z, Kapamilya Online Live (KOL) at iWant.