Mano po, Ninong! Mano po, Ninang! Kung isang batang cutie ang kakatok sa inyong tahanan para mangaroling with full production, for sure ika'y mapapa-standing ovation.
Jingle bells, Christmas is in the air! Feel na feel ang Pasko sa “It’s Showtime” studio dahil sa performance ni Jhong Hilario kasama ang unica hija niyang si Sarina. Biro ng hosts, na proud ninongs at ninangs, MAGPASIKAT-level ang ipinakita ng kanilang 4-year-old inaanak. From singing "Christmas In Our Hearts," sumayaw rin sina Sarina at Jhong to the tune of "All I Want for Christmas Is You."
Emosyonal at very proud daddy si Jhong. Ang Christmas wish niya para kay Sarina, sana lumaki itong may takot sa Diyos at ma-realize ng anak sa tamang panahon kung gaano ito ka-blessed na mabiyayaan ng regalong makapagpasaya ng ibang tao sa pamamagitan ng kanyang talento. Full support din si Mommy Maia, na vocal coach at choreographer daw ni Sarina, at maging sina lola't lolo ay present sa studio.
Trivia: Microphone ni 'Ninang' Anne Curtis ang ginamit ni Sarina sa pagkanta. Kaya biro ni Vhong Navarro, "Totoong maganda ang boses ni Sarina kahit mic ni Anne ang gamit." Ang kulit ng mga hirit!
Good vibes at pag-asa ang hatid ng "It's Showtime," Lunes hanggang Sabado, 12 NN sa Kapamilya Channel, Kapamilya Online Live (KOL), A2Z, GMA 7, at iWant.