Kung maniniwala ka sa pangarap mo, hindi imposible na ito’y magkatotoo. Katulad ng housemates ni Kuya, sina AC Bonifacio, Ashey Ortega, Kira Balinger, at Shuvee Etrata, na sumakses sa pag-manifest na sila’y mag-production number sa “It’s Showtime” altogether.
Teka, ‘di ba outside world na ‘to? Bakit nand’yan pa rin si Big Brother? Kinabahan tuloy ang “PBB Collab” girls, parang déjà vu, akala nila may eviction. ‘Yun pala, si Jhong Hilario!
Pero mukhang may kulang. Nasaan si ‘mowm’ Klarisse de Guzman?
Hindi lang puro kilig kundi aral din tungkol sa pag-ibig ang hatid ng matchmate at mga hakbangers sa senior edition of “Step In The Name of Love.”
Age is just a number. Dahil ang mga hakbangers, hindi pa rin kumukupas ang kaguwapuhan at kakisigan. Nakilala natin si Michael, 50, chef. Seafood and mango roll ang kan’yang specialty. Pero sa love, hinahanap niya pa rin ang perfect recipe. Sandali lang, si Karylle, mukhang nahanap naman ang tamang timpla ng punchline. Dahil d’yan, special pianono ang reward niya from Vice Ganda!
Present din si hakbanger Arnel, office admin, nami-miss ang lambing at tamis ng pag-ibig. Si Chard, 51, truck specialist, still healing from trauma, pero malay n’yo, dito sa SITNOL niya makilala ang babaeng muling magbibigay-liwanag sa buhay niya.
Oras na para i-flex ni bestie Neng ang best qualities ni Cathy, na loving mother. At ang nagpatotoo n’yan ay si youngest daughter. Isa siyang dakilang raketera. At ang hanap sa lalaki ay maputi at matangkad at may provider mindset. Dahil kung mahal siya ng lalaki, dapat din mahalin ang mga anak niya at suportahan sila financially.
Naging malaman ang diskusyon tungkol sa usaping ‘yan. Si Arnel, nag-step down for a very practical and valid reason. Aniya, nagpo-provide na siya sa sariling mga anak, kaya madodoble ang obligasyon kung pati mga anak ni Cathy ay susuportahan niya.
Sa second round of flexing, nabuking ang ‘bungangera’ side ni Cathy, dahilan para mas ‘ma-turn off’ si Arnel at tuluyang ideklarang mismatch. Maging si Michael ay nag-step down din dahil “ayaw sa maingay.” Pero ibahin n’yo si Chard, na sanay sa ingay ng mga truck, kaya keri lang daw kung maingay si Cathy, lalo na sa gabi. Huy. Nabigla si Meme! Sample nga ho ng ‘ingay’ Sir Chard at Cathy!
Sa huli, si Chard ang nakarating sa tuktok ng hagdan. Siya ang makakasama ni Cathy sa isang date upang sila’y magkakilanlan.
Dalawang batang mang-aawit naman ang umakyat sa entablado ng “Tawag ng Tanghalan Year 9” upang magpamalas ng galing sa singing.
Si Alexa Salcedo, young and sweet at 15, full of energy sa pagkanta ng “Something’s Got a Hold on Me.” Ani hurado Nyoy Volante, busog na busog sa good quality vocals ang performance ni Alexa.
Palaban din si Bea Ranoa, 19, ang pambato ng Cagayan de Oro, na inawit ang “Run To You.” Walang halong joke, nagandahan si hurado Kyla sa boses ni Bea, pero aniya, sana sumasabay rin ang facial expression for more feelings. Dagdag na komento ni Punong Hurado Louie Ocampo, mahirap talaga ang kantang napili ni Bea at dapat mas nag-effort pa. Payo rin niya, improve her phrasing to sustain the notes longer.
Ang wagi sa daily round ay si Alexa ng Pasig City. Siguradong paghahandan niya ang KanTapatan nila ni defending champion Kent Villarba.
Watch your favorite TV programs on Kapamilya Channel on SKY, Cablelink, G Sat, and most cable operators under PCTA nationwide.
On-demand viewing of programs' full episodes is available on iWantTFC. Just download the app on Google Play or App Store, or visit iWantTFC.com.
Viewers can also continue to follow the show on Kapamilya Online Live on ABS-CBN Entertainment's YouTube channel and Facebook page.
The shows are also seen on A2Z Channel 11, available on analog broadcast in Metro Manila and parts of Cavite, Laguna, Quezon, Rizal, Bataan, Batangas, Bulacan, and Pampanga. It is also available on cable and satellite TV providers nationwide.
Viewers outside of the Philippines can also catch it on The Filipino Channel on cable and IPTV.