MAYNILA — May pelikula para sa iba’t ibang hinahanap ng manonood sa 2024 Metro Manila Film Festival (MMFF), na magbubukas sa mga sinehan sa bansa Miyerkules, Araw ng Pasko.
Kabilang sa inaabangan ang pagbabalik ni Vice Ganda kasama si Eugene Domingo sa dramedy na “And The Breadwinner Is…”.
May aksyon namang hatid ang “Green Bones” nina Dennis Trillo at Ruru Madrid at “Topakk” nina Arjo Atayde at Julia Montes, habang may halong kasaysayan ang alternate history film na “The Kingdom” ni Vic Sotto at Piolo Pascual.
Musical revival naman ng classic movie ang “Isang Himala” nina Aicelle Santos at Bituin Escalante.
Bahagi pa rin ng 10 pelikula ng MMFF ang horror movies na “Strange Frequencies: Taiwan Killer Hospital” starring Enrique Gil at “Espantaho” nina Judy Ann Santos, Lorna Tolentino, at Janice de Belen.
Para sa mga gusto ng romance, mapapanood ang “Hold Me Close” nina Carlo Aquino at Julia Barretto, at ang may time twist na “My Future You” kasama ang SethCine love team nina Seth Fedelin at Francine Diaz.
Binubuo ang lineup ng mga pelikula ng thriller na Uninvited ni Vilma Santos, Aga Muhlach, at Nadine Lustre.
– Ulat ni Ganiel Krishnan, Patrol ng Pilipino
Video produced with Armand Derek Sol
Fans at showbiz insiders hinulaan na kung sino ang mangunguna sa takilya sa MMFF
Vice Ganda’s family, friends grace the premiere of 2024 MMFF film ‘And The Breadwinner Is’
Piolo Pascual humbled to work with Vic Sotto on MMFF entry 'The Kingdom'
'Uninvited' kicks off with star-studded golden carpet world premiere