MAYNILA -- Nasa Pilipinas ngayon ang mang-aawit at kompositor na si Odette Quesada para sa isang concert.
Sa "Umagang Kay Ganda" nitong Lunes, ibinahagi ni Odette na magaganap ang kanyang homecoming at birthday concert na "Hopeless Romantic" sa Enero 17 at 18 sa BGC Arts Center.
Makakasama niya sa Enero 17 bilang guests sina Kuh Ledesma at Martin Nievera.
Sa Enero 18 naman ay makakasama niya bilang guest si Sharon Cuneta.
Si Odette ang nag-compose ng mga sikat na OPM songs tulad ng "Give Me A Chance," "Til I Met You" at “Don‘t Know What To Do, Don‘t Know What To Say.”
Para sa mga manonood ng "UKG," inawit ni Odette ang pinasikat niyang "Friend of Mine."